Artigo 106 Constitusaun da RDTL
1. Primeiru-Ministru hili hosi partidu ida ne’ebé iha votu barakliu ka hosi aliansa partidu sira-ne’ebé iha nia ema barak iha Parlamentu no iha nomeasaun hosi Prezidente- Repúblika, wainhira rona tiha partidu polítiku sira ne’ebé iha reprezentante sira iha Parlamentu Nasionál.
MANTEIN HO PD MEMBRU GOVERNU TENKE REZIGNA
Partidu Congresso Nacional de Reconstrucção Timorense (CNRT) fo ona opsaun liu husi karta eskrita ba membru Partidu Demokrata (PD) ne’ebe maka hanesan membru Governu atu hili mantein ho PD tenke rezigna, maibe ba ho independente Primeiru Ministru sei haree.
“Ami seidauk manda karta ba Primeiru Ministru, CNRT haruka ona karta ba membru Governu sira husi PD, ho kopia maka ba Primeiru Ministru. Karta ne’e husu primeiru sira deklara, sei mantein nafatin ho partidu entaun sira rezigna, se sira deklara a’an independente publiku obrigatoriamente por escrito depois fo ba Primeiru Ministru maka atu haree,”esplika Sekretariu Jeral Partidu CNRT, Dionisio Babo ba jornalista iha Palasiu Governu Segunda (25/04).
Kona ba kompozisaun meja Parlamentu Nasional ne’ebe iha mudansa, Dionisio dehan, se maka sei troka Prezidente Parlamentu Nasional (PN), Vicente Guterres, primeiru tenke iha uluk lai desizaun Xefi bankada nian maka foin publika naran.
“Tanba ita hatene katak, ita nia maluk sira husi partidu FRETILIN la partisipa, ne’e duni CNRT nia ema maka sei kaer hotu meja Parlamentu ho mos seluk depois maka ita sei diskuti,”haktuir Dionisio Babo.
Maibe kona ba Prezidente PN aktual Vicente Guterres, lakohi sai husi nia kargu tanba ajenda debate Prezidente PN hodi hasai nian ne’e nia mak bele asina hafoin debate? Dionisio Babo responde, ne’e bankada sei halo reuniaun ho lider bankada hafoin sei deside ajenda ba Parlamentu maka vota, agora buat ne’e kestaun PN nian, PN maka desidi.
Nia hatutan, iha Governu hotu-hotu iha mundu ne’e kuandu iha koligasaun maka koligasaun forma meja Parlamentar, maibe kuandu koligasaun la iha ona normalmente meja parlamentu ne’e muda. Maibe tanba iha Parlamentu partidu ne’ebe maka maioritaiu maka sei hato’o proposta ba lider bankada sira hodi ajenda depois maka vota hodi disidi iha ne’eba.
Izemplu patidu A ho B uluk koligasaun entaun sira forma meja ba tinan lima, maibe to’o iha klaran partidu B sai tiha, partidu A buka fali partidu C hamutuk fila fali, entaun sira nain rua tenki kumpoin fali meja parlamentu foun ne’e normal iha demokrasia.avi
Jornal Nacional